राम देबुनिया दुरी मृग चाटी पाठीवरी त्या स्थळा नाम चाटोरी गंगातिरी अद्यापि भावार्थ रामायण अध्याय नववा व तेहतिसाव्या ओवीमध्ये उल्लेख असलेले हे ऐतिहासिक महत्व असलेले चाटोरी गांव आहे.  चाटोरी गावाची भौगोलिक रचना वाडी वस्तीवर विखुरलेली आहे. सन ०१ / ०४ / १९६३ रोजी या गावात ग्रामपंचायतीची स्थापना झाली त्यावेळी आजचे सोनगाव व रामनगर हि गांवे या ग्रामपंचायतमध्ये समावेश होता. कालांतराने हि दोन्ही गांवे विभक्त होवुन नवीन ग्रामपंचायत स्थापन झाली. आज ह्या ग्रामपंचायतिचा कारभार पारदर्शक व लोकाभिमुख विकास कामांचा पंचक्रोशीत गवगवा आहे. आज गावात जिल्हा परिषदच्याप्राथमिक शाळा चाटोरी, गंगावाडी, लिंबालवन व गणपीरवाडी ह्या आहेत. तसेच ५ अंगणवाडी आहे. मुलांच्या शैक्षणिक दर्जा व गुणवंता सुधारण्यासाठी या माध्यमातून परिश्रम घेतले जातात. याकरिता संपूर्ण गावक-याचे मदत व योगदान आणि सहभाग कायमस्वरूपी असतो. गावातील गावांतर्गत रस्त्याची कामे झाली असून सुस्थितीत आहेत. ग्रामपंचायतच्या माध्यम्यातून व सहकार्याने शिवार रस्त्यांचीही अडचण सोडवली जाते. चाटोरी गावात सर्व जाती धर्माची लोक सुखा समाधानाने व गुण्या गोविंदाने राहतात. बारा बलुतेदारांचे गांव म्हणजे चाटोरी गांव संबोधले जाते. प्रत्येक धर्माचे सुख दुख: व धार्मिक उत्साहात सर्व गांव एकत्र येत. जातीय सलोख्याचे मूर्तिमंत गांव अशी गावाची ख्याती आहे. गाव विकासासाठी लोकवर्गणी जमवली जाते. या माध्यमातून गांवातील पुरातन काळापासून आज जीर्ण झालेले सर्वच मंदिरांचा जीर्नादधार झाला आहे. संपूर्ण गांव एकत्र येवून गांव विकासासाठी झटत आहे. गावात शांतता व सुव्यवस्था व सामाजिक सलोखा जपत आहे. चाटोरी गावचा राजकीय वारसा म्हणजे विधान परिषदेचे माजी दिवगंत विरोधी अड. विठठलरावजी हांडे हे याच गावाचे भूमिपुत्र त्यांच्या कार्यकाळात जे शासकीय निर्णय झाले त्यात शेतक-यांच्या विहिरीवरील विजपंपाचे मीटर हटवले गेले. तसेच इगतपुरी येथे भाताचा सत्यागृह, खेरवाडी येथील कांदा प्रश्नी रेल रोको आंदोलन सर्वश्रुत आहे. हा अजरामर असा राजकीय इतिहास या गावचा आहे. चाटोरी गावचा शेतीविषयक मुख्य व्यवसाय शेती आहे. गावाच्या पच्छिम बाजूने दक्षिनोत्तर गोदावरी नदी आहे. त्यामुळे संपूर्ण शिवार बागायती आहे. ऊस, कादा, गव्हू व भाजीपाला हि मुख्यापिके आहेत. शिवाय आधुनिक तंत्रज्ञानाचा अवलंब करून पारंपारिक शेतीउद्योगाला शह देवून शेडनेट ड्रीपमार्फत द्राक्षबाग, फळबाग फुलवल्या आहेत. मराठा विद्या प्रसारक समाजाचे ५ वी १० पर्यंतचे हायस्कूल गावात सुरु आहे. त्याकरिता गावकरी व ग्रामपंचायत ने गामसभा ठराव करून संस्थेला जागा दान केली. त्यावर गावक-यांनी सुमारे १७ लाख रुपये लोकवर्गणी संस्थेला बहाल करून दिली संस्थेची इमारत मोठ्या दिमाखात आज रोजी उभी आहे. त्यामुळे चाटोरी गावच्या वैभवात निश्चितच भर पडली. संस्थेने त्या जागेवर भव्य इमारत बांधली. त्यानंतर दिवंगत गावचे भूमिपुत्र हांडे साहेब यांचे नांव सदरच्या जनता विद्यालयाला संस्थेकडून गावक-यांच्या विनंतीनुसार देण्यात आले. आज हि संस्थेची इमारतीच्या कमानीवर भूमीपुत्रांचे नांव देवून आज अड. विठ्ठलरावजी हांडे जनता विद्यालय चाटोरी असे नांव देण्यात आले.